राफेल करार हे ‘चांगले पॅकेज’ असून, त्याचे अनेक फायदे आहेत. ही विमाने येतील तेव्हा ती उपखंडात ‘गेम चेंजर’ असतील, असे मत हवाई दलाचे प्रमुख एअर मार्शल बी. एस. धनोआ यांनी बुधवारी व्यक्त केले. ऑफसेट पार्टनर म्हणून दस्सू एव्हिएशनने कंपनी निवडली असून, त्यात सरकार आणि हवाई दलाचा कोणताही संबंध नाही, असेही त्यांनी स्पष्ट केले.
एकीकडे सगळीकडूनच राफेल करारावर टीका होत असतानाच दुसरीकडे हवाई दलप्रमुखांनी या कराराचे समर्थन केले. राफेल करार हे एक अत्यंत धाडसी पाऊल असून यामुळे भारताचे हवाई दल अधिक सक्षम होईल असे मत त्यांनी मांडले. ‘भारताला सध्या जास्तीत जास्त लढाऊ विमानांची गरज आहे. एचएएल विमान देताना भरपूर दिरंगाई करते. राफेल विमान २४ महिन्यांच्या आतच भारतीय हवाईदलाच्या ताफ्यात दाखल होतील. या विमानांचा हवाई दलाला भरपूर फायदा होईल’, असे धनोआ म्हणाले.
No comments:
Post a Comment