ऑपरेशन वॉश आऊटमध्ये आतापर्यंत २६२ अतिरेक्यांना यमसदनी पाठविण्यात आले. शंभरावर अतिरेक्यांना अटक केली तर काही शरण आले. एनआयएने आपल्या मोहिमेत एकट्या जम्मू-काश्मीरमध्ये ६० ठिकाणी धाडी घातल्या

राष्ट्रीय तपास संस्थेने (एनआयए) काश्मिरातील विघटनवाद्यांना, अतिरेक्यांना आणि दगडफेक करणार्‍यांना रक्कम पोहोचविणार्‍या दहा जणांविरुद्ध नुकतेच आरोपपत्र दाखल केले. या दहा जणांत लष्कर-ए-तोयबाचा म्होरक्या हाफीझ सईद आणि हिज्ब-ए-मुजाहिदीनचा प्रमुख सय्यद सलाउद्दीन याचेही नाव आहे. सोबतच हुर्रियत नेते, मिरवैज उमर फारूखचा निकटचा सहकारी साहीद उल इस्लाम, सय्यद गिलानी याचा जावई अल्पाफ अहमद शाह ऊर्फ अल्ताफ फंटूश, स्टिंग ऑपरेशनमध्ये पकडला गेलेला नईम खान, तहरिक-ए-हुर्रियतचा प्रवक्ता अयाज अकबर, अतिरेक्यांना पैसा पुरविणारा जहूर अहमद शाह व जेकेएलएफचा फारूख अहमद दार यांचाही समावेश आहे. जम्मू-काश्मीर, दिल्ली, हरयाणा, उत्तरप्रदेश व देशाच्या अन्य भागात असलेले यांचे संबंधही आरोपपत्रात उघड झाले आहेत. हा तपास अजून सुरू आहे. गिलानी याची विचारपूस अजून बाकी आहे. विशेष म्हणजे या आरोपपत्रात फ्रीलान्स फोटोजर्नालिस्ट कामरान युसुफ आणि जावेद अहमद भट यांचेही नाव आहे. या कथित दोन पत्रकारांवर पैसे पोचते करून दगडफेक करण्यासाठी युवकांना उद्युक्त करणे असा आरोप ठेवण्यात आला आहे. जम्मू-काश्मिरात भाजपा आणि पीडीपीचे सरकार आल्यापासून लष्कर आणि पोलिसांवर दगडफेकीच्या घटनांमध्ये प्रचंड वाढ झाली होती. प्रसंगी पॅलेट गनमधूनही गोळीबार करण्यात आला होता. पण, त्याविरुद्ध देशातील अतिरेकी-नक्षलवादी समर्थक आणि वकिलांनी कोर्टाचे दरवाजे ठोठावल्याने मग या समस्येच्या मुळाशीच जाण्याचे सरकारने ठरविले आणि त्यात त्यांना यश आलेले दिसत आहे. ऑपरेशन वॉश आऊटमध्ये आतापर्यंत २६२ अतिरेक्यांना यमसदनी पाठविण्यात आले. शंभरावर अतिरेक्यांना अटक केली तर काही शरण आले. एनआयएने आपल्या मोहिमेत एकट्या जम्मू-काश्मीरमध्ये ६० ठिकाणी धाडी घातल्या आणि अतिरेकी-दगडफेक करणार्‍यांशी संबंध असणारे ९०० दस्तऐवज, ६०० इलेक्ट्रॉनिक उपकरणे जप्त केली. ३०० जणांच्या साक्षीही नोंदविल्या. आता आरोपपत्र दाखल झाल्यावर सर्व पुरोगामी मंडळीची तोंडे बंद झाली आहेत. १२०० पानांच्या या आरोपपत्रात एनआयएने विघटनवादी आणि अतिरेक्यांच्या संबंधांचा पर्दाफाश केला आहे. 



पाकिस्तानचे संबंध सुरळीत होण्यासाठी मोदींना हटवणे आवश्यक असल्याचे मणिशंकर अय्यर हे पाकिस्तानात जाऊन बरळले . पक्ष पाकिस्तान आणि दहशतवाद्यांना पाठिंबा देत आहे का? असाही प्रश्न अनेकदा उपस्थित होतो. किमान देशाच्या सुरक्षेच्या दृष्टीने तरी देश एकत्र आला पाहिजे, देशाला बळ दिले पाहिजे

जनरल मुशर्रफ २०१४ साली एका वाहिनीला मुलाखत देताना म्हणाले होते, आमचे स्त्रोत काश्मीरमध्येही आहेत आणि पाकिस्तानी लष्करातही आहेत. काश्मीरमधील लोक भारताविरुद्ध लढा पुकारत आहेत. त्यांना प्रोत्साहन देणे आणि उद्युक्त करण्याचे आमचे कामच आहे. २०११ मध्ये प्रथमच अमेरिकेच्या फेडरल ब्युरो ऑफ इन्व्हेस्टिगेशन (एफबीआय)ने आपल्या अहवालात स्पष्टपणे म्हटले होते की, पाकिस्तानची गुप्तचर यंत्रणा इंटर सर्व्हिसेस इंटेलिजन्स (आयएसआय) ही काश्मीर व भारताच्या प्रदेशांसह अन्य देशांमध्येही पाकिस्तानातील युवकांना घुसखोरी आणि विध्वंसक कारवाया घडवून आणण्यासाठी प्रशिक्षण आणि पैशाची मदत करीत आहे. हा जो ओघ काँग्रेसच्या काळात अव्याहतपणे सुरू होता, त्याला चाप लावण्याचे फार मोठे काम सरकारने प्रथमच केले आहे. अतिरेक्यांना ठार मारण्याच्या मोहिमे आमच्या अनेक जवानांनाही शहीद व्हावे लागले. या ऑपरेशन ऑल आऊटसोबतच अतिरेक्यांना आणि दगडफेक करणार्‍यांना पैसा पुरविणार्‍यांच्या मुसक्या आवळण्यात आल्या. दगडफेक करणार्‍या शेकडो युवकांना अटक करण्यात आली. एनआयएच्या आरोपपत्रात दिल्लीतील पाकिस्तानी उच्चायुक्त कार्यालयाचाही उल्लेख आहे. अतिरेकी हे सतत पाकिस्तानी दूतावासाच्या संपर्कात होते, एवढेच नव्हे तर याच दूतावासातून अनेकदा पैसेही अतिरेक्यांना पुरविले गेले, असेही तपासात निष्पन्न झाले आहे. काश्मीरमध्ये अतिरेकी आणि दगडफेक करणार्‍यांना हा पैसा पुरविला जात होता, असा स्पष्ट आरोप एनआयएने केला आहे. अटक करण्यात आलेल्या अनेकांनी याची कबुली दिली आहे. जम्मू-काश्मीरमधून अतिरेक्यांना वॉश आऊट करण्याचा विडा आपल्या लष्कराने उचलला आहे. 

KASHMIR VIOLENCE-कश्मीर का पेटले?

कश्मीर का पेटले? Tuesday, July 12th, 2016 कश्मीरात जो भडका उडाला आहे त्याचे चटके देशाला बसत आहेत. इकडे अयोध्येत राममंदिर उभारणी करण्याची घोषणा झाली आहे. त्या आधी कश्मीरातील अमरनाथ यात्रा सुरळीत पार पाडावी म्हणजे झाले. जे चालले आहे ते भयंकर आहे. गृहमंत्री राजनाथ सिंह यांनी पंतप्रधान मोदी यांना हे सर्व तत्काळ कळवायला हवे. कश्मीरातील सध्याची स्थिती राष्ट्रीय सुरक्षेला धोकादायक आहे. कश्मीर का पेटले? हिंदुस्थानचे कणखर, खंबीर व हिंमतबाज पंतप्रधान परदेश दौर्याावर आहेत व इकडे कश्मीर खोर्याकत हिंसेचा आणि फुटीरतेचा वणवा भडकला आहे. हिजबुल मुजाहिदीनचा कमांडर बुरहान वानी हा सुरक्षा दलाच्या चकमकीत मारला गेला तेव्हापासून तेथे भडकलेली हिंसा थंड होण्याचे नाव नाही. त्यामुळे सध्या सुरू असलेली अमरनाथ यात्रा मध्येच थांबवावी लागली आहे. या दरम्यान यात्रेकरूंच्या गाड्यांवर हल्ले झाले. हे चित्र राष्ट्रीय एकात्मता व राष्ट्रीय सुरक्षेसाठी चांगले नाही. पंतप्रधान मोदी हे आफ्रिकेच्या दौर्यायवरून परत येतील तेव्हा कश्मीरच्या भयंकर स्थितीवर त्यांना विचार करावा लागेल. हिंदुस्थानच्या भूमीवर अमरनाथ यात्रा गुंडाळावी लागते व देशभरातून तेथे पोहोचलेल्या हिंदू भक्तांवर जीवघेणे हल्ले होतात यापेक्षा दुर्दैव ते कोणते? बुरहान वानी हा अतिरेकी संघटनेचा म्होरक्या होता व हिंदुस्थानातून फुटून निघण्याच्या चळवळीचे नेतृत्व करीत होता. कश्मीर खोर्याणतील अनेक दहशतवादी कृत्यांत त्याचा हात होता. त्यामुळे सुरक्षा दलाच्या चकमकीत तो मारला गेला याबद्दल मातम करण्याचे कारण काय? पण वानीच्या मृत्यूनंतर हजारो कश्मिरी लोक रस्त्यांवर उतरले. त्यांनी पोलीस ठाण्यांना आगी लावल्या. लष्करी तळांवर हल्ले केले. सरकारी इमारतींना आगी लावून भस्मसात केल्या. त्यांच्या हल्ल्यांत लष्करी जवान, पोलीस मोठ्या प्रमाणावर जखमी झाले आहेत. किमान पंधरा पोलीस अधिकारी या हिंसेत मारले गेले असून सात पोलीस अधिकारी बेपत्ता आहेत. हे चित्र धक्कादायक आहे. कश्मीर खोर्या तील कायदा, सुव्यवस्था बेचिराख झाल्याचेच हे निदर्शक आहे. अमरनाथ यात्रा बंद पडली असून यात्रेकरूंवरील हल्ले व लुटालूट सुरू आहे. जम्मू-कश्मीरमध्ये भाजप आणि पीडीपी यांचे आघाडी सरकार आहे. मुख्यमंत्री मेहबुबा यांनी लोकांना शांततेचे आवाहन केले आहे. तसे देशाचे गृहमंत्री राजनाथ सिंह यांनीही दिल्लीत शांततेचे आवाहन केले. राजनाथ सिंह यांनी कश्मीरच्या स्थितीवर सोनिया गांधी यांच्याशीदेखील चर्चा केली. मात्र कश्मीर खोर्याेत जे लोक रस्त्यावर उतरले आहेत ते माथेफिरू आहेत व हिंदुस्थानविरोधी नारे देत दंगा करीत आहेत. त्यांना पाकिस्तानची फूस असून वानी याच्या हत्येनंतर कश्मीर पेटवण्यामागे पाकचेच हात आहेत. तसे नसते तर वानीच्या मृत्यूनंतर पाकिस्तानने नक्राश्रू ढाळले नसते. बुरहान वानी प्रकरण हे Extra judicial Killing म्हणजे न्यायालयाच्या अधिकार क्षेत्राबाहेरील हत्या आहे, असे चांदतारे पाकिस्तानने तोडले आहेत. ‘कश्मिरी लोकांवर हिंदुस्थान अन्याय करीत आहे व कश्मीरच्या भविष्याबद्दल निर्णय घेण्याचा अधिकार तेथील लोकांना दिला पाहिजे’, असे म्हणत जनमत चाचणीची पुंगी पाकिस्तानने वाजवली आहे. या सगळ्याचा अर्थ असा की, कश्मीरचा प्रश्ने आधीपेक्षा जास्त चिघळला असून पाकिस्तानी पंतप्रधान शरीफ यांच्याही हातात आता काही राहिलेले नाही. मेहबुबा मुफ्ती या वरून शांततेचे आवाहन करीत असल्या तरी बुरहान वानीच्या बाबतीत त्यांची नेमकी भूमिका काय? अफझल गुरूला कश्मीरचा स्वातंत्र्यसैनिक किंवा क्रांतिकारक मानण्याचा उद्दामपणा त्यांनी याआधी केला होता व हा त्यांचा पूर्वेतिहास पाहता कश्मीर खोर्यााची सूत्रे त्यांच्या हाती देऊन भाजपने चूक तर केली नाही ना, अशी भीती वाटते. कश्मीरात जो भडका उडाला आहे त्याचे चटके देशाला बसत आहेत. इकडे अयोध्येत राममंदिर उभारणी करण्याची घोषणा झाली आहे. त्या आधी कश्मीरातील अमरनाथ यात्रा सुरळीत पार पाडावी म्हणजे झाले. जे चालले आहे ते भयंकर आहे. गृहमंत्री राजनाथ सिंह यांनी पंतप्रधान मोदी यांना हे सर्व तत्काळ कळवायला हवे. कश्मीरातील सध्याची स्थिती राष्ट्रीय सुरक्षेला धोकादायक आहे. हवाई दलाच्या विमानतळावर हल्ला; न्यायालय पेटवले Tuesday, July 12th, 2016 मृतांची संख्या २३ श्रीनगर, दि. ११ (वृत्तसंस्था) – हिजबुल मुजाहिदीनचा ‘पोस्टरबॉय’ दहशतवादी बुरहान वाणीच्या खात्म्यानंतर कश्मीर खोर्यावत उसळलेला आगडोंब चार दिवसांनंतरही कायम आहे. सोमवारी ठिकठिकाणी भडकलेल्या हिंसाचारात आणखी दोघेजण ठार झाले. आतापर्यंत मृतांची संख्या २३ वर गेली आहे. संतप्त जमावाने पुलवामा येथील हवाई दलाच्या विमानतळावर हल्ला केला, तर सोपोरे येथील पोलीस ठाणे जाळले. अनंतनाग येथील जिल्हा न्यायालयाला आग लावली. संचारबंदी आणि मोठा बंदोबस्त असतानाही हिंसाचार सुरू असून कश्मीर खोर्या त प्रचंड तणाव आहे. या हिंसाचाराचा सर्वाधिक फटका हजारो अमरनाथ यात्रेकरूंना बसला असून श्रीनगर येथून त्यांना एअरलिफ्ट केले जाण्याची शक्यता आहे. दरम्यान, पाकिस्तानात बुरहानसाठी मातम सुरू असून ‘आगीत तेल ओतण्या’चे काम सुरू आहे. शुक्रवारी रात्री बुरहान वाणी या २२ वर्षीय दहशतवाद्याचा खात्मा झाल्यापासून कश्मीरात तणाव वाढतच आहे. सोमवारी पुलगाम जिल्ह्यात लष्करी जवान आणि पोलिसांवर हल्लेखोर जमावाने दगडफेक करीत जाळपोळ केली. यावेळी पोलिसांनी केलेल्या गोळीबारात दोन तरुण ठार झाले. विमानतळावर दगडफेक, जाळपोळ हल्लेखोरांकडून सातत्याने लष्करी जवान, पोलिसांना टार्गेट केले जात आहे. पुलवामा येथील हवाई दलाच्या विमानतळावर तुफानी दगडफेक करीत हल्ला करण्यात आला. विमानतळाच्या परिसरातील गावताला आग लावली. हल्लेखोरांना रोखण्यासाठी जवानांनी आटोकाट प्रयत्न केला. दरम्यान, हल्लेखोरांकडून लष्करी आणि निमलष्करी दलाच्या ठाणे आणि तळांना टार्गेट केले जात आहे. तेथील सुरक्षाव्यवस्था आणखी वाढविण्यात आली आहे. दरम्यान, सोपोरे येथील पोलीस ठाण्याला आग लावण्यात आली.कश्मीर खोर्याेतील हिंसाचार रोखण्यासाठी लष्करी आणि निमलष्करी जवानांच्या ६० बटालियन तैनात केल्या आहेत. एका बटालियनमध्ये एक हजार जवान आहेत. तसेच सोमवारी निमलष्करी दलाचे ८०० जवान कश्मीर खोर्याहत पाठविण्यात आले. त्याव्यतिरिक्त हजारो पोलीस तैनात आहेत. – अमरनाथ यात्रा अंशत: सुरू, मात्र हजारो यात्रेकरू अडकलेलेच कश्मीर खोर्याथतील सर्वच दळणवळण सेवा बंद आहे. विमान, रेल्वेसेवा, बस वाहतूक बंद आहे. मोबाईल, इंटरनेटही बंदच आहे. अनेक ठिकाणी संचारबंदी कायम आहे. याचा सर्वाधिक फटका अमरनाथ यात्रेकरूंना बसला आहे. महाराष्ट्रासह देशभरातील हजारो यात्रेकरू जम्मूत अडकून पडले आहेत. तसेच श्रीनगरातही मोठ्या प्रमाणावर यात्रेकरू अडकले आहेत. यात्रेकरू श्रीनगरच्या टुरिस्ट कॅम्पमध्ये आहेत. श्रीनगर-जम्मू महामार्ग बंद असल्यामुळे यात्रेकरूंना एअरलिफ्ट करून जम्मू किंवा दिल्लीत हलविण्याचा विचार सुरू आहे. दरम्यान, सोमवारी दुपारी पहेलगाम आणि बालटल या बेस कॅम्प येथे अडकलेल्या यात्रेकरूंना अमरनाथ दर्शनासाठी जाण्याची परवानगी देण्यात आली. तसेच येथून ४४९ यात्रेकरूंना हेलिकॉप्टरने दर्शनासाठी नेण्यात आले. सोमवारी २ हजार ७९९ यात्रेकरूंनी दर्शन घेतले. ठिकठिकाणी अडकून पडलेल्या २५ हजार यात्रेकरूंना बालटल येथील १६१२ वाहनांमधून तर पहेलगाम येथून १२९ वाहनांमधून जवाहर टनेलमार्गे सुरक्षित स्थळी ह लविण्यात आले. बुरहानला ‘शहीद’ म्हटले नाही : यात्रेकरूंना मारहाण नाशिक येथील यात्रेकरूंच्या गाड्यांवर दगडफेकीनंतर आता गुजरातमधील एका यात्रेकरूला बेदम मारहाण झाली आहे. बुरहानला ‘शहीद’ म्हटले नाही म्हणून एका यात्रेकरूला मारहाण करण्यात आली. गुजरातमधील ४५०० भाविक कश्मीरात अडकून पडले आहेत. या अडचणींचा फायदा घेऊन हॉटेलवाल्यांनी खोल्यांच्या आणि जेवणाच्या दरात मोठी वाढ करून लूट सुरू केली आहे. स्थानिकांकडूनही दमदाटी सुरू आहे. बुरहानला ‘शहीद’ म्हणा असे धमकावले जात असून भाविक जीव मुठीत धरून येथे राहत असल्याची माहिती गुजरातचे आमदार हिरा सोळंकी यांनी दिली. आमदार सोळंकीसुद्धा श्रीनगरात १२५ जणांसह सन शाइन हॉटेलमध्ये अडकले आहेत. परराज्यांतील गाड्यांना नंबर प्लेटवरून ओळखून टार्गेट केले जात आहे.

चिनी ड्रॅगनचे गंभीर आव्हान-ब्रिगेडिअर हेमंत महाजन,

नवीन सरकार आणि भारत व्हिएतनाम संबध्द श्री नरेंद्र मोदी यांनी ‘सार्क’ राष्ट्रांना शपथविधी समारंभाचे निमंत्रण देऊन. आपण देशात कसे कार्यरत राहणार आहोत हे दाखवणारे व भारताच्या विदेश नीतीबाबत सूतोवाच करणारे पाऊल ऊचलेले आहे. यापूर्वी भाजप पंतप्रधान अटल बिहारी वाजपेयी यांनी पाकिस्तानशी चांगल्या संबंधांसाठी पुढाकार घेऊन उभय राष्ट्रांत संबंधांचे एक चांगले उदाहरण निर्माण करण्याचा प्रयत्न केला होता. त्याआधी परराष्ट्रमंत्री असताना चीनमध्ये जाण्याचा निर्णय वाजपेयींनी घेतला होता. वाजपेयींप्रमाणे मोदी हेही विदेश नीतीबाबत एक पाऊल पुढे टाकून ऐतिहासिक ठसा उमटवणारी कामगिरी करू पाहत असल्याचे दिसते आहे. पण यामुळे लगेच शांतता प्रस्थापित होइल का?भारतीय दूतावासावर झालेला हल्ला काय दर्शवतो? चीन/पाकिस्तान द्विपक्षीय संबंधांबाबत प्रामाणिक आहे का?. एकाबाजूने चर्चा आणि दुसर्या बाजूने घुसखोरी व दहशतवादास खतपाणी चालु राहिल्यास खर्‍या अर्थाने संबंध प्रस्थापित होऊ शकतील का? जर तुम्हाला युध्द नको असेल तर युध्दाची तयारी करा. येत्या काळात भारत-चीन स्पर्धा अधिक तीव्र होणार. कारण चीनच्या महत्त्वाकांक्षांच्या आड येणारा आशियाई खंडात भारत हा एकमेव देश आहे. म्हणून चीन भारतविरोधी धोरण अवलंबणारच.देशात नवीन सरकार राज्य कारभार सांभाळणार आहे.आपले परराष्ट धोरण आता जास्त आक्रमक करण्याची जरुरी आहे. चीनने व्हिएतनामवर दबाव टाकला होता, परिणाम झाला की, व्हिएतनामने आपला शत्रू असलेल्या अमेरिकेशी मैत्री प्रस्थापित केली. आता व्हिएतनामने दक्षिण चीन सागरात अमेरिकन आरमार ठेवण्यास अनुकूलता दर्शविण्यास सुरुवात केली आहे. चीनने पीत सागर, पूर्व व दक्षिण चीन सागर हे आपले क्षेत्र असल्याचे घोषित केले आहे. चीनच्या या घोषणेला भीक घालण्यास त्या भागातील छोटी राष्ट्रे तयार नाहीत. या सागरातील स्पार्टले व अन्य बेटांवर तसेच तेल क्षेत्रांवरही चीन एकतर्फ़ी अधिकार सांगत आहे, पण त्याला फिलिपीन्स, व्हिएतनाम व अन्य आशिआन राष्ट्रांनी हरकत घेतली आहे. व्हिएतनाम चीनमधे प्रचंड तणाव दक्षिण चीन समुद्राचा वाद पुन्हा एकदा पेटला आहे. चीनच्या साम्राज्यवादी आक्रमक भूमिकेमुळे व्हिएतनाम, फिलिपाईन्स आणि चीनमध्ये तणाव निर्माण झाला आहे. या वादावर भारताने सावध भूमिका घेतली होती. चीन किंवा व्हिएतनामचा उल्लेख टाळताना भारताने दक्षिण चीनच्या समुद्रात जहाजांना मुक्त संचार करता यावा, असे मत व्यक्त केले होते. ‘हा प्रश्‍न आंतरराष्ट्रीय नियमानुसार ठराव पारित करून शांततेत सोडविला जावा,’अशी गुळमुळीत प्रतिक्रिया भारताने दिली होती.आपण आपल्या राष्ट्रहितांचे रक्षण केले पाहीजे. या समुद्रातील पार्सल बेटाजवळ चीनने युद्धनौकेवरून व्हिएतनामच्या नौकेवर पाण्याच्या तोफांनी मारा केला. मागच्या आठवड्यात चीनच्या तटरक्षक दलानेही असाच प्रकार केला होता. व्हिएतनाम आणि चीनमधील या सततच्या घटनांमुळे प्रचंड तणाव निर्माण झाला आहे. चीनच्या युद्धनौकांनी व्हिएतनामच्या नौकांवर केलेल्या पाण्याच्या तोफ्यांच्या मार्‍याचे व्हिडिओ व्हिएतनामने समोर आणले आहेत. चीनच्या मार्‍यात सहा खलाशी जखमी झाले. चीनकडून सतत असे हल्ले होत राहिल्यास स्वसंरक्षणासाठी आम्हालाही प्रत्युत्तर देणे भाग पडेल, असा इशारा व्हिएतनामने दिला आहे. व्हिएतनामने ३ मे आणि ७ मे रोजी ३५ जहाजे पाठविली. या जहाजांनी चीनच्या जहाजांवर १७१ वेळा पाण्याचा मारा केला आहे. व्हिएतनामने चिनी प्रवाशांना स्टेपल व्हिसा दिला जम्मू आणि काश्‍मीरमधील नागरिकांना चीनने स्टेपल व्हिसा दिल्याने मागच्या सरकारने पोकळ निषेधा शिवाय काहीच केले नाही.मात्र जेंव्हा चीनने पासपोर्टवर दक्षिण चीन समुद्रातील काही बेटे स्वतःच्या हद्दीत असल्याचे दाखविली, तेंव्हा व्हिएतनामने चीनच्या प्रवाशांच्या वादग्रस्त पासपोर्टवर शिक्का मारण्यास नकार दिला . यावर मात करण्यासाठी व्हिएतनामने चिनी प्रवाशांना नव्याने स्टेपल व्हिसा दिला आहे, दक्षिण चीन समुद्रातील बेटांवर चीनने केलेल्या दाव्यामुळे शेजारी राष्ट्रे अशाप्रकारे चीनला शह देण्याचे प्रयत्न करीत आहेत. चीनने काढलेल्या वादग्रस्त पासपोर्टवर शिक्का मारणे म्हणजे चीनचा दावा मान्य करण्यासारखे आहे. याआधी चीनने भारतातील अरुणाचल प्रदेश आणि अक्‍साई चीन हे स्वतःचे भाग असल्याचे नकाशात दाखविले होते.आपण मात्र शांत होतो. चीनने आता पासपोर्टवर प्रसिद्ध केलेल्या नकाशाला व्हिएतनामसोबत फिलिपाइन्सनेही आक्षेप घेतला आहे. व्हिएतनाममध्ये चीनी कंपन्यांच्या विरोधात १३ मे पासून दंगली सुरू आहेत, त्यात चिनी लोकांचे खूप नुकसान झाले असल्याने द्विपक्षीय संबंधात अडथळे येत आहेत. व्हिएतनाम दंगली भडकवित आहे, असा चीनचा आरोप आहे. अनधिकृत वृत्तानुसार दंगलीत २१ चिनी लोक मारले गेले असून चीनने वादग्रस्त दक्षिण चीन समुद्रात कुमक वाढवल्याने व्हिएतनाममध्ये त्याचे पडसाद उमटले. दोन नागरिकांचा मृत्यू आणि १०० जण जखमी झाल्याचे व्हिएतनामने मान्य केले आहे. तेल उत्खनन होत असलेल्या परिसरात चीनने १६ किमीपर्यंतच्या परिसर आपल्या ताब्यात घेतला असून सुरक्षेसाठी लढाऊ विमाने तैनात केले. चीनने वादग्रस्त प्रदेशातील तेल उत्खनन त्वरित थांबवावे, अशी मागणी व्हिएतनामने केली आहे. दक्षिण चिनी समुद्रातील वादामुळे व्हिएतनाममध्ये उसळलेल्या चीनविरोधी दंगलीचा चीनला संताप आला असून, चीनने आज व्हिएतनामशी राजनैतिक संबंध तोडण्याचा निर्णय घेतला. दोन्ही देशांच्या आरमारी नौकांनी ५०० वेळा परस्परांच्या जलक्षेत्रात प्रवेश केला आहे; पण गोळीबाराच्या घटना घडलेल्या नाहीत. व्हिएतनाममध्ये चीनविरोधी आंदोलनाने जोर धरला आहे. यामुळे चीनने व्हिएतनाम बरोबरचे द्विपक्षीय कायऱ्क्रम रद्द केले आहेत. चीनच्या तीन हजार कामगारांना व्हिएतनाममधून माघारी आणण्यात आले. चीनच्या नागरिकांविरोधात व्हिएतनाममध्ये हिंसाचार करण्यात आल्याने हे पाऊल उचलण्यात आले, असे चीनचे परराष्ट्र प्रवक्ते यांनी सांगितले. चीनला रोखण्याचा एक मार्ग : व्हिएतनाम चीनने फेब्रुवारी १९७९ मध्ये व्हिएतनामवर हल्ला केला. परराष्ट्रमंत्री अटलबिहारी वाजपेयी चीनच्या दौर्यावर होते. झालेल्या हल्ल्यामुळे वाजपेयी चीन दौरा अर्ध्यावर टाकून भारतात परतले होते. या युद्धात चीनचे ४० हजार सैनिक, तर व्हिएतनामचे १ लाख सैनिक धारातीर्थी पडले. व्हिएतनामच्या सागरी किनार्यावरही तेल आणि वायूचा शोध घेण्याच्या निमित्ताने कब्जा करण्याचे प्रयत्न चीनने करून पाहिले. संपूर्ण दक्षिण चिनी सागरच नव्हे तर परसेल्स आणि स्प्रेतली द्वीपसमूह घशात घालण्यासाठी चीन व्हिएतनामशी संघर्ष करीत आहे. कारण या दोन्ही द्वीपांमध्ये मुबलक प्रमाणात तेल आणि वायूचा साठा सापडण्याची शक्यता आहे. दक्षिण चीन समुद्रातल्या छोटया बेटांच्या स्वामित्वावरून चीन, जपान, फिलिपाइन्स व व्हिएतनाम यांच्यात मतभेद आहेत. या बेटांच्या आसपासच्या समुद्रात तेलाचे साठे असण्याच्या शक्यतेमुळे या बेटांना आर्थिक महत्त्व आहे. परिणामस्वरूप दुसऱ्या महायुध्द काळापासून सशस्त्रीकरणापासून दूर राहिलेला जपान आज आपले लष्करी सामर्थ्य वाढवू लागला आहे. भारतासाठी आता अमेरिका किंवा युरोपपेक्षाही, पूर्व आशिया, जपान, कोरियाचे लष्करी आणि आर्थिकसामर्थ्य महत्त्वाचे ठरणार आहेत.चीनला उत्तर देण्यासाठी भारताला स्वत:च्या ‘खर्या’ मित्रांची फळी उभी करावी लागेल.व्हिएतनाम हे प्रखर राष्ट्रभक्तीने परिपूर्ण असलेले राष्ट्र आहे.व्हिएतनामी जनतेत भारताबद्दल एक सहजभाव आणि आत्मीय प्रेमाची भावना दिसून येते. गेल्या शतकात त्याने चीन, फ़्रांन्स आणि अमेरिकेसारख्या महाशक्तींना पराभूत करून जगाला आश्चर्यचकित करून टाकले होते. भारत व्हिएतनामच्या वायुसेनेच्या पायलटांना प्रशिक्षित करीत आहे. या देशाला गैरपरमाणू क्षेपणास्त्रे देण्याचाही भारताचा विचार आहे. पूर्व आणि दक्षिण-पूर्व क्षेत्रात चीनचे वाढत जाणारे युद्धखोर धोरण आणि आर्थिक प्रभाव आटोक्यात आणण्यासाठी व्हिएतनाम हा देश आपला विश्वसनीय मित्र आहे. चिनी ड्रॅगनचे गंभीर आव्हान-ब्रिगेडिअर हेमंत महाजन,ब्रिगेडिअर हेमंत महाजन, NACHIKET PRAKASHAN ,24 YOGSHEM,LAY OUT,SNEH NAGAR WARDHA ROAD NAGPUR -PIN 440015,TELE-0712-2285473,9225210130 , email-nachiketprakashan @gmail.com, www.nachiketprakashan.wordpress.com