Total Pageviews

Sunday 4 February 2018

जिंदगी लंबी नही, बडी होनी चाहिए.. कॅप्टन कपिल कुंडू शहीद झाले. वयाच्या अवघ्या २२ व्या वर्षी त्यांनी देशासाठी बलिदान दिले.. : Feb 5, 2018, 11

पाकिस्तानने केलेल्या गोळीबारात कॅप्टन कपिल कुंडू शहीद झाले. वयाच्या अवघ्या २२ व्या वर्षी त्यांनी देशासाठी बलिदान दिले. 'जिंदगी लंबी नही, बडी होनी चाहिए,' असं कॅप्टन कुंडू नेहमी म्हणायचे आणि त्यानुसारच ते जगलेही. 'आनंद' सिनेमातील त्यांचा हा आवडता डायलॉग होता. हा डायलॉग त्यांनी त्यांच्या फेसबुक स्टेटसवरही ठेवला होता.

सहा दिवसानंतर म्हणजे १० फेब्रुवारी रोजी कॅप्टन कुंडू त्यांचा २३ वा वाढदिवस साजरा करणार होते. पण त्यापूर्वीच या भारतमातेच्या भूमिपुत्राने देशासाठी बलिदान दिलं. कुंडू हे दिल्लीतील गुरुग्रामचे रहिवासी आहेत. त्यांना दोन बहिणी असून त्यांचं लग्न झालेलं आहे. कुंडू यांच्या वडिलांचं निधन झालं तेव्हा ते खूप लहान होते. तरीही त्यांची आई सुनीता यांनी देशाची सेवा करण्यासाठी त्यांना लष्करात पाठवलं. कुंडू शहीद झाल्याचं वृत्त ऐकताच त्यांच्या घरासमोर शेकडो लोकांनी गर्दी करून त्यांच्या कुटुंबीयांचं सांत्वन केलं.

पाकिस्तानने रविवारी शस्त्रसंधीचं उल्लंघन करत भिंबर गली सेक्टरमध्ये प्रचंड गोळीबार केला होता. पाकने भारतीय सैनिकांवर छोट्या क्षेपणास्त्रांचा माराही केला. त्यात कॅप्टन कुंडू यांच्यासह चार जवान शहीद झाले.


No comments:

Post a Comment