13 जूनपासून सैन्यभरती
सकाळ वृत्तसेवा
Tuesday, May 17, 2011 AT 01:15 AM (IST)
कोल्हापूर - येथील सेना भरती कार्यालयाच्या वतीने कार्यालयांतर्गंत 9 ते 16 जून या दरम्यान होणाऱ्या सहा जिल्ह्यातील सैन भरतीचा कार्यक्रम जाहीर करण्यात आला आहे. 13 जूनला कोल्हापुरातील उमेदवारांची तर 14 जूनला केवळ माजी सैनिक, विधवा अथवा युद्ध विधवांच्या पाल्यांची कवठेमहांकाळ (सांगली) येथील महाकाली विद्यानिकेतन स्कूलवर भरती होणार आहे. सोल्जर जीडी, सोल्जर टेक्निकल, सोल्जर नर्सिंग असिस्टंट, सोल्जर क्लार्क एसकेटी आदी पदांसाठी भरती होईल. याचबरोबर भरती प्रक्रियेत केवळ दहावी पास असलेल्यांना स्वतंत्रपणे सोल्जर जीडी पदासाठी सहभागी होता होणार आहे.
ज्यांना भरतीत सहभागी व्हायचे आहे, त्यांनी शैक्षणिक कागदपत्रांच्या मुळ प्रती व अन्य सर्व बाबींसह भरतीस्थळी उपस्थित राहावे. शारीरिक पात्रता अथवा अन्य माहितीसाठी उमेदवारांनी टेंबलाई टेकडी येथील सेना भरती कार्यालय अथवा जिल्हाधिकारी कार्यालयातील जिल्हा सैनिक कल्याण कार्यालयाशी संपर्क साधावा, असे आवाहन सैनिक कार्यालयाने केले आहे.
No comments:
Post a Comment